i am having an (h)art attack…

minsan masarap maggupit…

ewan ko pero nakakakuha ako ng mumunting kasiyahan sa paggugupit ng kung ano-ano. ganun na daw ako maliit pa lang ako sabi ng nanay ko…minsan nga daw iniwanan nya ako ng isang dyaryo para makapaglaba sya ng walang umiiyak sa may palda nya, at wala daw akong ibang ginawa sa dyaryong iyon kundi punitin ng punitin hanggang nagkaroon ng isang tumpok ng dyaryo sa harap ko at ako ay biglang nagtatakbo sa sobrang takot sa kung ano na ang nangyari sa dyaryong kanina ay pinupunit-punit ko lang…and tanga di ba? pero ganun naman ang mga bata…may kanya-kanyang katangahan…dun sa punto ko naisip na marahil autistic ako nung maliit pa ako…kaya ganun ang gawaing nakakapagpatakbo ng mumunting oras ko…tapos siguro nahipan ako ng mabuting hangin kaya nakayanan ko makapag-aral at maging "normal" na tao…pero minsan hindi ko pa rin mapigilang umupo sa isang tabi at kumuha ng gunting at maggupit ng kung ano-anong bagay na sa tingin ko ay maganda. gaya ng ginagawa ko ngayon habang nasa opisina ako…multi-tasking pa nga eh..kasi ganito, nagsusulat ako sa blog na ito, umiinom ng kape, at higit sa lahat naggugupit ng isang lumang kalendaryong pangmesa na may magagandang bears at flowers…pwede ko itong gamitin sa scrap book ni Scout!!!

ayus din noh? kaya sa bahay namin hindi pwedeng walang gunting. samut-saring uri ng gunting! may mga art scissors na kung ano-anong shapes ang ginagawa sa mga ginupit na papel. may maliit. may malaki. mayroong ang butas ng hawakan ay hindi pantay ang laki ng bilog. may pabilog ang dulo at merong patulis! he he he…kung iisipin, marami rami na rin akong cut outs sa bahay. pero nakaayos naman sila. cut out stickers…cut out letters…cut out pictures…cut outs! dala rin yan ng pagiging OC-OC ko…TAMA! Obsessive compulsive din ako…under the category of HOARDERS! ang galing! kung susumahin, isa akong psychotic autistic! astig!

kaya nga hindi ko makuhang ma-offend pagsinasabi ng mga taong malapit sa akin na isa akong autistic…tama naman sila. nasa akin ang mga manifestations…hindi nga lang ako gradweyt ng sped. hmmm…

mahaba-haba na rin ito. at saka iba nga pala ang purpose bakit ako pumasok sa opis…may bundle nga pala akong dapat tapusin! tama! ayoko muna mag 14 hours sa opis…hindi makatarungan yun. mas mainam pang maggupit kesa magtagal sa opis ng ganun katagal at gumawa ng bundle.

minsan masarap talaga maggupit!